ⵜⴰⵏⵜⵜⴰⵎⵜ ⵜⴰⵎⴰⵢⵏⵓⵜ ⵏ ⵜⵙⴰⵔⵡⴰ ⴷ ⵓⵙⴱⵓⵖⵍⵓ ⴰⴷⵙⵍⴰⵏ ⵉ ⵜⵏⴼⵍⵉⵜ ⴷ ⵓⵙⴷⵓⵙ ⵏ ⵡⴰⵏⵏⴰⵍⵏⵏ ⵓⵡⴰⵏⴽ ⴰⵏⴰⵎⵓⵏ ( ⴰⵏⵎⵓⵇⵇⴰⵔ ⴰⵣⵔⴰⵡⴰⵏ )

ⴳ ⵓⵏⵎⵓⵇⵇⴰⵔ ⴰⵣⵔⴰⵡⴰⴱ ⵏ ⵓⵙⵏⴼⴰⵔ ⵏ ⵓⵙⵍⴳⵏ ⴰⵙⴰⵜⵉ ⵎⴰⵙ ⵉⴳⴰ ⵜⴰⵏⵜⵜⴰⵎⵜ ⵏ ⵜⵙⴰⵔⵡⴰ, ⵙⵏⵎⵍⴰⵏⵜ ⵜⵔⴰⴱⴱⵓⵜⵉⵏ ⵏ ⵜⵓⴳⵜⵜ ⴳ ⵓⵙⵇⵇⵉⵎ ⵏ ⵉⵎⴰⵔⴰⵏ, ⵙⴰⵡⵍ ⵉⵎⵙⵙⴽⵛⵎⵜ ⵅⴼ ⵉⵙⵏⵜⴰⵍ ⵏ ⵓⵙⵏⴼⴰⵔ ⴷ ⵜⵡⵓⵔⵉ ⵏⵏⵙ ⵍⵍⵉ ⵙ ⵔⴰⴷ ⵢⴰⵡⵙ ⴳ ⵓⵙⴱⵓⵖⵍⵓ ⵏ ⵉⴳⵉⵜⵏ, ⴷ ⵓⵙⵙⵔⵅⵓ ⵏ ⵜⵎⵀⵍⵜ ⵏ ⵜⵙⴰⵔⵡⴰ, ⵎⴽ ⵍⵍⵉ ⵙ ⵙⴰⵡⵍⵏ ⴰⵡⴷ ⵅⴼ ⵜⵉⵏⴷⵉ ⵏ ⵓⵙⴳⴰⴷⴷⵉ ⴰⴷ ⵍⵍⵉ ⵔⴰⴷ ⵢⴰⵍⵍ ⵉⵙⴰⵔⵡⴰⵜⵏ ⵍⵍⵉ ⵉⵥⵍⵉⵏ ⴷ ⵉⴳⴷⵓⴷⴰⵏ , ⴰⵡⴷ ⵔⴰⴷ ⵢⴰⵍⵍ ⵜⴰⵎⵔⵏⵉⵡⵜ ⵏ ⵜⴷⵎⵙⴰ ⵜⴰⵏⴰⵎⵓⵔⵜ.

ⴳ ⵓⵙⴰⵜⵉ ⴰⴷ ⵉⴱⴷⵔ ⵓⵙⵍⵡⴰⵢ ⵏ ⵜⵔⴰⴱⴱⵓⵜ ⵏ ⵓⴳⴷⵓⴷ ⴰⵏⴰⵎⵓⵔ ⵏ ⵉⴷⵔⴼⴰⵏⵏ ⵎⴰⵙⵙ ⵎⵓⵃⴰⵎⵎⴰⴷ ⵖⵢⵢⴰⵜ ⴳ ⵢⴳⵓⵔⵉ ⵏⵏⵙ , ⵎⴰⵙ ⴷ ⵜⴰⴳⵍⴷⵉⵜ ⵉⵅⵚⵚⴰ ⵜⵜ ⵢⴰⵏ ⵓⴷⵃⴰⵢ ⵉⴷⵓⵙⵏ ⴰⴼⴰⴷ ⴰⴷ ⵜⵣⵔⵉ ⵉⵎⵓⴽⵔⵉⵙⵏ ⵍⴽⵉ ⴰⵙ ⵉⴱⴷⴷⵏ ⴳ ⵜⵙⵏⵜⴰⵢⵜ ⵏ ⵜⴷⵎⵙⴰ ⵏⵏⵙ, ⵍⵍⵉ ⴷ ⵉⵎⵙⴰⵙⴰⵏ ⴷ ⵓⴷⵖⴰⵔ ⵏⵏⵙ ⴰⵙⵜⵔⴰⵜⵉⵊⵉ ⴷ ⵓⵙⵡⴰⵔ ⵏⵏⵙ ⴰⵙⵔⵜⴰⵏ ,ⵎⴽ ⵍⵍⵉ ⵙ ⵉⴼⴰ ⵓⵙⵏⴼⴰⵔ ⴰⵙⵍⴳⵏ ⴰⵙⵜⵉ ⵢⴰⵏ ⵓⵙⵍⴳⵏ ⵏ ⵓ,ⵡⴰⵏⴽ “ⵉⵣⵔⵉ ⴰⵣⵎⵣ ⵏ ⵜⵏⴱⴰⴹⵉⵏ ⴷ ⵉⵎⵉⴹⴰⵏⵏ ⵉⵙⵔⵜⴰⵏ ⴷ ⵉⵎⵙⵜⴰⵢⵏ.

ⵎⴽ ⵍⵍⵉ ⵙ ⵉⵏⵏⴰ ⵎⴰⵙⵙ ⵖⵢⵢⴰⵜ ⵎⴰⵙ ⵓⵔ ⴰⴷ ⵎⵓⵔⵙⵏⵜ ⵜⵉⵖⴰⵡⵙⵉⵡⵉⵏ ⵜⵉⴷⵙⵍⴰⵏⵉⵏ ⵏ ⵓⵙⵏⴼⴰⵔ ⵏ ⵓⵡⴰⵏⴽ ⴰⵏⴰⵎⵓⵏ ⵣⵓⵏⴷ ⴰⵙⵙⵍⵎ ⴷ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ , ⵉⵖ ⵓⵔ ⵜⵍⵍⴰ ⵢⴰⵜ ⵜⵓⵚⴽⵉ‍ⵜ ⵜⴰⴷⵎⵙⴰⵏⵜ ⵏⵏⴰ ⵉⵥⴹⴰⵔⵏ ⴰⴷ ⵜⵔⵎⵙ ⴰⵙⵏⴼⵍ ⴰⴷ ⴰⵎⵇⵇⵔⴰⵏ ⵍⵍⵉ ⵉⵍⵍⴰⵏ ⴳ ⵜⴳⵍⴷⵉⵜ, ⵎⴽ ⵍⵍⵉ ⵙ ⵉⵙⴰⵡⵍ ⵅⴼ ⵜⵉⵏⴷⵉ ⵏ ⵓⵙⵏⴼⴰⵔ ⴰⴷ ⴳ ⵓⵙⵏⴰⵍ ⵏ ⵓⴱⵔⵉⴷ ⵏ ⵜⵏⴼⵉⵍⵜ ⴷ ⵓⵎⵔⴰⵔⴰ ⵏ ⵉⵙⵏⴼⴰⵍⵏ ⵏⵏⴰ ⵉⵍⵍⴰⵏ ⵖⵉⵍⴰⴷ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ.

ⴰⵡⴷ ⵜⴰⵏⴽⵔⴰ ⵙ ⵓⵙⵡⵉⵔ ⵏ ⵓⵎⵢⴰ‍ⵡⴰⵙ ⵏ ⵜⵙⴰⵔⵡⴰ ⵍⵍⵉ ⵉⵥⵍⵉⵏ ⴰⴼⴰⴷ ⴰⴷ ⵜⴳ ⵙⵉⵏ ⵉⵎⵏⴰⵚⴼⵏ ⵙⴳ ⵜⵙⴰⵔⵡⴰⵜⵉⵏ ⵜⵉⵏⴰⵎⵓⵔⵉⵏ, ⴷ ⵓⵙⵡⴰⵍⴰ ⵏ ⵜⵣⵎⵎⴰⵔ ⵙ ⵉⴳⵔⴰⵏ ⵉⴷⵙⵍⴰⵏⵏ ⴷ ⵜⵡⵉⵔⵉⵡⵉⵏ ⵏ ⵉⵎⴰⵍ, ⴷ ⵓⵙⴱⵓⵖⵍⵓ ⵏ ⵓⵙⵡⵉⵔ ⵏ ⵜⵏⴱⴰⴹⵜ ⵉⴷⵓⵙⵏ, ⴷ ⵓⵎⵓⵔⵙ ⵏ ⵓⴼⵔⴰ ⴰⵣⵔⴼⴰ ⵏ ⵉⵎⵙⴰⵔⵡⴰⵜⵏ.

ⴳ ⵜⵙⴳⴰ ⵏⵏⵉⴹⵏ, ⵉⵏⵏⴰ ⵓⵙⵍⵡⴰⵢ ⵏ ⵜⵔⴰⴱⴱⵓⵜ ⵏ ⵜⵕⵚⵍⵉⵢⵜ ⴷ ⵜⵔⴰⵔⵜ (ⴰⵚⴰⵍⴰ ⵡⴰ ⵍⵎⵓⵄⴰⵚⴰⵕⴰ), ⴳ ⵓⵙⵇⵇⵉⵎ ⵏ ⵉⵎⴰⵔⴰⵏ ⴰⵃⵎⴰⴷ ⵜⵜⵡⵉⵣⵉ, ⵎⴰⵙ ⴷ ⵜⴰⵙⴰⵔⵡⴰ ⵜⴳⴰ ⵡⴰⵏ ⵡⴰⵏⵏⴰⵍ ⴰⴷⵙⵍⴰⵏ ⴳ ⵜⵓⵚⴽⴰ ⵏ ⵓⵡⴰⵏⴽ ⴰⵏⴰⵎⵓⵏ, ⵉⵏⵏⴰ ⴷⴰⵖ ⵎⴰⵙ ⵓⵔ ⴰⴷ ⵉⵍⵉⵏⵜ ⵜⴰⵏⵏⴰⵍⵉⵏ ⵏ ⵓⵡⴰⵏⴽ ⴰⵏⴰⵎⵓⵏ ⵍⵍⵉ ⵉⴳⴰⵏ ⴰⵙⵙⵍⵎⴷ ⴷ ⵜⴷⵓⵙⵉ ⴷ ⵜⵡⵉⵔⵉ ⵉⵖ ⵓⵔ ⵏⴻⵏⵏⴽⵔ ⵙ ⵜⵙⴰⵔⵡⴰ ⵍⵍⵉ ⵉⵥⵍⵉⵏ ⴷ ⵓⴳⵯⵏⵙⴰⵏ ⴷ ⴰⴱ‍ⵕⵕⴰⵏ, ⴷ ⵓⵙⵏⴼⵍ ⵏ ⵉⵎⵓⴽⵔⵉⵙⵏ ⵏ ⵓⵎⴰⴹⴰⵍ ⴰⴷ ⴳⵉⵏⵜ ⵉⵣⵎⴰⵣ.

ⵉⵇⵇⴰⵏⴷ ⴰⵡⴷ ⴰⴹⴼⵓⵔⵏ ⵓⵣⵣⴳⵉⵔ ⵏ ⵓⵙⵍⴳⵏ ⴰⵙⴰⵜⵉ ⵙ ⵢⴰⵜ ⵜⴰⴷⵍⴰ ⵏ ⵉⵣⵔⴼⴰⵏ ⵍⵍⵉ ⴷⵉⵙ ⵉⵎⵓⵏ, ⴰⵡⴷ ⴰⵙⴱⵉⴷ ⵏ ⵜⵓⴳⵜⵜ ⵏ ⵉⵎⵓⴽⵔⵉⵙⵏ, ⴷ ⵓⵙⴷⵓⵙ ⵏ ⵜⵎⵢⴰⵎⵏⵜ ⵏ ⵉⵎⵙⴰⵔ‍ⴰⵜⵏ ⵙ ⵜⵎⵉⵣⴰⵔ ⵏⵏⵉⴹⵏ ⴳ ⵜⴷⵎⵙⴰ ⵜⴰⵏⴰⵎⵓⵔⵜ.

ⴰⵙⵍⵡⴰⵢ ⵏ ⵜⵔⴰⴱⴱⵓⵜ ⵏ ⵏ ⵜⵙⵉⵎⴰⵏⵜ ⵎⴰⵙⵙ ⵏⵓⵔⴷⴷⵉⵏ ⵎⴹⵢⴰⵏ ⵉⵏⵏⴰ ⵎⴰⵙ ⵍⵍⴰⵏ ⵜ ⵉⵎⵓⴽⵔⵉⵙⵏ ⴷ ⵉⵏⵎⴳⴰⵍⵏ ⵏⵏⴰ ⵉⵙⴱⴷⵏ ⵜⴰⵙⴰⵔⵡⴰ ⴳ ⵍⵎⵖⵔⵉⴱ ⵎⵇⵇⴰⵔ ⵉⵍⵍⴰ ⵓⵙⵡⴰⵔ ⴰⵙⵔⵜⴰⵏ ⴷ ⵓⵏⴰⵎⵓⵏ ⴷ ⵓⴼⵔⴰⵍⵍⵉ ⵉⵍⵍⴰⵏ ⴳ ⵜⴳⵍⴷⵉⵜ, ⴷ ⵉⵣⵔⴼⴰⵏ ⵓⵔ ⴳⵉⵏ ⴰⴼⵙⵙⴰⵢ ⵏ ⵓⵙⴱⵖⵙ ⵏ ⵜⵙⴰⵔⵡⴰ.

ⵎⴰ ⴰⵏ ⴰⵙ ⴷ ⵉⵇⵇⴰⵏ ⴰⴷ ⴷⵓⵙⵏ ⴽⵔⴰ ⵏ ⵉⴹⵕⵉⵚⵏ ⵏ ⵓⵙⵍⴼⵏ ⵍⵍⵉ ⵉⵎⵓⵏ ⴷ ⵜⵎⵜⵜⴰⵏⵜ ⵜⴰⵎⴰⵢⵏⵓⵜ ⵏ ⵜⵙⴰⵔ‍ⵡⴰ ⵣⵓⵏⴷ ⴰⵙⵍⴳⵏ ⵏ ⵜⵡⵓⵔⵉ ⴷ ⵜⴽⵕⴹⴰ ⵜⴰⵏⴰⵎⵓⵔⵜ ⵏ ⵓⵙⴳⴰⴷⴷⴰ ⵏ ⵜⵎⵙⵙⵓⴳⵔⵜ, ⵎⴽ ⵍⵍⵉ ⵙ ⴷ ⵉⵇⵇⴰⵏ ⴰⵡⴷ ⴰⴷ ⵏⴰⴼ ⴰⴼⵙⵙⴰⵢ ⵏ ⵓⵎⵓⴽⵔⵉⵙ ⵏ ⵜⵉⵖⴷⵡⵉⵏ ⵜⴰⵎⵙⵙⵓⴳⵔ ⵜⵓⴷⴷⵓⵙⵉⵏ, ⵍⵍⵉ ⵉⵙⴱⵉⴷⵏ ⴰⴱⵓⵖⵍⵓ ⵏ ⵜⵙⴰⵔⵡⴰ ⴳ ⵜⴳⵍⴷⵉⵜ.

ⴳ ⵜⵙⴳⴰ ⵏⵏⵉⴹⵏ , ⵉⵏⵏⴰ ⵎⴰⵙⵙ ⵛⵛⴰⵡⵉ ⴱⵍⵄⵙⴰⵍ ⴰⵙⵍⵡⴰⵢ ⵏ ⵜⵔⴰⴱⴱⵓⵜ ⵏ ⵓⵎⵓⵏ ⴰⴷⵓⵙⵜⵓⵔⵉ ⵎⴰⵙ ⵜⵅⵚⵚⴰ ⵢⴰⵜ ⵜⴰⵏⵜⵜⴰⵎⵜ ⵜⴰⵎⴰⵢⵏⵓⵜ ⵏ ⵜⵙⴰⵔ‍ⵡⴰ ⴹⴰⵕⵜ ⵏ ⵎⴰⴷ ⵉⵣⵔⵉ 26 ⵏ ⵓⵙⴳⴳⵯⴰⵙ ⵍⵍⵉ ⴳ ⴷ ⵜⴼⴼⵖ ⵜⵏⵜⵜⴰⵎⵜ 18-95 ⵍⵍⵉ ⵉⵙⵏⵜⵉⵏ ⵜⴰⵡⵓⵔⵉ ⵏⵏⵙ ⵉⴹⴼⵔ ⵉⵙⵏⴼⴰⵍ ⵉⵎⵇⵇⵔⴰⵏⵏ ⵍⵍⵉ ⵉⵍⵍⴰⵏ ⴳ ⵓⵣⵎⵣ ⴰⵏ, ⴰⵡⴷ ⴰⵙⵏⴼⴰⵔ ⵏ ⵜⵏⵜⵜⴰⵎⵜ ⵉⵙⵙⵏⴽⴷ ⵢⴰⵜ ⵜⴽⵕⴹⴰ ⵏ ⵓⴱⵔⵉⴷ ⵉⴼⴰⵡⵏ ⴰⵔ ⵜⵎⵎⴰⵍ ⵉⵡⵜⵜⴰⵙⵏ ⴷ ⵉⵙⴱⵖⴰⵙⵏ ⵉⴷⵙⵍⴰⵏⵏ ⵍⵍⵉ ⵔⴰⴷ ⵢⴰⵍⵍ ⵜⴰⴷⵉⵏⴰⵎⵉⵢⵜ ⵏ ⵜⵙⴰⵔ‍ⵡⴰ ⵜⴰⵏⴰⵎⵓⵏⵜ ⴷ ⵜⵥⵕⴼⴰⵏⵜ.

ⵉⵙⵎⴷ ⵎⴰⵙⵙ ⴱⵍⵄⵙⴰⵍ ⴰⵡⴰⵍ ⵏⵏⵙ , ⵎⴰⵙ ⴷ ⴰⵙⵏⴼⴰⵔ ⴰⵔ ⵢⴰⴽⴽⴰ ⵢⴰⵏ ⵓⵙⵎⴽⵍ ⵉⵥⵍⵉⵏ ⵉ ⵉⵙⵏⴼⴰⵔ ⵉⵙⵏⵜⴰⵢⵏ ⴷ ⵜⵉⵎⵙⵙⵏⵜⴰⵢ ⴱⴰⵀⵔⴰ ⵎⵣⵣⵉⵢⵏⵉⵏ, ⴷ ⵜⵉⴷ ⵎⵣⵣⵉⵢⵏⵉⵏ, ⴷ ⵜⵎⵊⴰⵀⴷⵉⵢⵉⵏ, ⵙ ⵎⴰⴷ ⵉⵙⴽⴰⵔⵏ ⴰⵙⵏⴰⵍ ⵉ ⵓⵙⵎⵉⵍ ⴰⵏⴰⵎⵎⴰⵙ, ⴷ ⵓⵙⴱⵖⵙ ⵏ ⵜⵙⵓⴳⴰⵔ ⵜⵉⴷⵎⵙⴰⵏⵉⵏ ⴷ ⵜⵓⴼⵔⵉⵏⵉⵏ ⵜⵉⵙⵏⵜⴰⵢⵉⵏ, ⵎⴽ ⵍⵍⵉ ⵙ ⵢⴰⴽⴽⴰ ⴰⵡⴷ ⴽⵔⴰ ⵏ ⵉⵣⵎⴰⵣ ⵉ ⵉⵎⵖⵔⵉⴱⵉⵢⵏ ⵏ ⵓⵎⴰⴹⴰⵍ ⴰⴼⴰⴷ ⴰⴷ ⴰⵡⵙⵏ ⴳ ⵓⴱⵓⵖⵍⵓ ⵏ ⵜⵎⵓⵔⵜ ⵙⴳ ⴰⵙⵎⵔⵙ ⵏ ⵜⵉⵔⵎⵉⵜⵉⵏ ⵏⵏⵙ ⴳ ⵓⴱⵓⵖⵍⵓ ⵏ ⵜⴷⵎⵙⴰ ⵜⴰⵏⴰⵎⵓⵔⵜ.

ⵎⴽ ⵍⵍⵉ ⵙ ⵉⴱⴷⵔ ⴰⵡⴷ ⴰⵙⴷⵓⵙ ⵏ ⵉⵙⴱⵖⴰⵙⵏ, ⵍⵍⵉ ⵢⴰⴽⴽⴰ ⵓⵙⵏⴼⴰⵔ, ⵎⴰ ⴰⴷ ⵙ ⵓⴽⵜⵓⵔ ⵏ ⵡⴰⵍⵍⵍⵏ ⵉⵎⵙⵙⵓⴳⴰⵔ ⵏⵏⴰ , ⵙ ⵡⴰⵎⵎⴰⴽ ⵏ ⵓⵙ‍ⵓⴷⴷⵓ ⵏ ⵜⵣⴷⴰⵢⵜ ⵜⴰⵔⵓⵙⵔⵉⴷⵜ ⴷ ⵉⵙⴰⵔⵡⴰⵜⵏ, ⴷ ⵓⵎⵔⴰⵔⴰ ⴷ ⵉⵎⵙⵖⴰⵏⵏ ⵏⵙⵏ ⴷ ⵉⵡⵇⵇⵔ ⵏ ⵜⵥⵕⴼⴰⵏⵜ ⴷ ⵜⴽⵓⴷⴰⵏⵜ , ⴰⴼⴰⴷ ⴰⴷ ⴼⴰⵔⵙⵏ ⵉⵙⵏⴼⵔⵏ ⵉⵙⴰⵔⵡⴰⵜⵏ .

ⵉⵏⵏⴰ ⵓⵙⵍⵡⴰⵢ ⵏ ⵓⵙⵇⵇⵉⵎ ⵏ ⵜⵙⴳⴰ ⵏ ⴷⴷⴰⵔⴱⵉⵍⴷⴰ-ⵚⵟⵟⴰⵜ, ⴷ ⵓⵣⴰⵢ ⴰⴷⵎⵙⴰⵏ ⵄⴰⴱⴷⵍⵍⴰⵜⵉⴼ ⵎⵄⵣⵓⵣ,ⵅⴼ ⵓⵙⴷⵓⵙ ⵙ ⵓⵙⴱⵓⵖⵍⵓ ⵏ ⵉⵙⴰⵔⵡⴰⵜⵏ ⴳ ⵢⵓⴳⵔ ⴰⵎⴰⵜⴰⵢ ⴷ ⵉⵥⵍⴰⵢ, ⵎⴽ ⵍⵍⵉ ⵙ ⴷ ⵉⵇⵇⴰⵏ ⴰⴷ ⵉⵜⴻⵜⵜⴰⵡⵙⴽⴰⵔ ⵓⵙⵏⴼⵍ ⵎⵇⵇⴰⵔ ⴷ ⵖⴰⵙ ⵢⴰⵏ ⵉⵎⵉⴽ ⴳ ⵡⴰⵏⴰ‍ⵡ ⵏ ⵜⵙⴰⵔⵡⴰ ⵜⴰⴳⴷⵓⴷⴰⵏⵜ, ⵙ ⵓⵙⵎⴰⵜⵜⵉ ⵏ ⵜⵙⴰⵔⵡⴰ ⴳ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⵏⵏⴰ ⴷⴷⴰⵔ ⵜⴰⵔⴰⵔⵓⵜ ⴳ ⵎⴰⴷ ⵢⴰⴳⴳⵓⴳ ⴰⵔ ⵜⴰⵙⴰⵔⵡⴰ ⵏⵏⴰ ⴷⴷⴰⵔ ⵜⴰⵔⴰⵔⵓⵜ ⴳ ⵎⴰⴷ ⵢⴰⵥⵏ.

ⵎⴽ ⵍⵍⵉ ⵙ ⴷ ⵉⵇⵇⴰⵏ ⵅⴼ ⵜⵏⴱⴰⴹⵜ ⴰⴷ ⵜⵙⴰⵔⵡⴰ ⵙ ⵓⵎⴷⵢⴰ ⴳ ⵜⵎⴳⵓⵔⵉ, ⴳ ⵓⵙⴰⵜⵉ ⵏ ⵓⵙⵔⵅⵓ ⵏ ⵉⵙⴰⵔⵡⴰⵜⵏ ⵉⵔⵓⵙⵔⵉⴷⵏ, ⴷ ⵜⵙⵓⵍⵜ ⵏ ⵓⵙⴱⵓⵖ ⵡⴰⵔⴰⵎⵎⴰⵙ, ⵉⵙⴰ‍ⵡⵍ ⴰⵡⴷ ⵅⴼ ⵜⵉⵏⴷⵉ ⵏ ⵓⴼⵏⵉⵇ ⵏ ⵜⵙⴰⵔⵡⴰ ⴳ ⵍⵎⵖⵔⵉⴱ.

ⵎⴽ ⵍⵍⵉ ⵙ ⵉⵏⵏⴰ ⵡⴰⴷ ⵎⴰⵙ ⴷ ⵜⴰⵏⵜⵜⴰⵎⵜ ⵏ ⵜⵙⴰⵔⵡⴰ ⵜⴰⵎⴰⵢⵏⵓⵜ ⴰⵔ ⵉⵙⴰⵡⴰⵍ ⵅⴼ ⵉⴽⵛⵛⵓⵎⵏ ⵉⵎⴰⵢⵏⵓⵜⵏ ⵏⵏⴰ ⵉⴳⴰⵏ ⵉⵏⴳⵎⴰⵎⵏ ⴷ ⵜⵎⵔⵙⴰⵍ ⵏ ⵜⵏⴱⴰⴹⵜ, ⴷ ⵎⴰ ⴰⴷ ⴰⵔ ⵢⴰⴽⴽⴰ ⵢⴰⵜ ⵜⵎⴰⵜⴰⵔⵜ ⵉⵙⵜⴰⵡⵀⵎⵎⴰⵏ ⵉⴳⴰ ⵜⵜ ⵎⴰⵙ ⵜⵔⴰ ⵜⵏⴱⴰⴹⵜ ⴰⴷ ⵜⵍⴽⵍ ⵜⵙⴰⵔⵡⴰ ⴰⴷ ⵏⵏ ⵜⴰⴳⴳ ⵙ ⵓⵥⵟⵟⴰ ⴰⴷⵎⵙⴰⵏ ⴰⵏⴰⵎⵓⵔ.

ⴳ ⵓⵙⴰⵜⵉ ⴰⴷ ⵏⵉⵜ , ⵉⵏⵏⴰ ⵓⵎⴰⵔⵉ ⵏ ⵏ ⵓⵎⵓⵏ ⴰⵎⴰⵜⵜⴰⵢ ⵏ ⵜⵙⵙⵏⵜⴰⵢⵉⵏ ⴳ ⵍⵎⵖⵔⵉⴱ ⵎⴰⵙⵙ ⵎⵀⴷⵉ ⵜⵜⴰⵣⵉ ⵎⴰⵙ ⴷ ⵉⵅⵚⵚ ⴰⴷ ⵙⵓⵍ ⵜⵉⵍⵉ ⵜⵉⴼⴰⵡⵜ ⴰⵎⵏⵉⴷ ⵏ ⵉⵙⴰⵔⵡⴰⵜⵏ ⵏ ⵓⴳⵏⵙ ⵏ ⵜⵎⴰⵣⵉⵔⵜ ⵓⵍⴰ ⴱⵕⵕⴰ ⵏⵏⵙ, ⴰ‍ⵡⵙ ⴰⵙⵔⴱⵉ ⵏ ⵓⴼⵔⵔⵓ ⴷ ⵓⴹⴼⵓⵔ ⵏ ⵜⵉⵔⵎⵉⵜⵉⵏ ⵜⵉⴳⵔⴰⵖⵍⴰⵏⵉⵏ ⵙ ⵎⴰⴷ ⵉⵥⵍⵉⵏ ⵙ ⵓⵣⵉⵣⴷⵔ ⵏ ⵉⴳⵔⴰⵢⵏ ⵅⴼ ⵉⵎⵙⴰⵔⵡⴰⵜⵏ, ⴰⴼⴰⴷ ⴰⴷ ⵍⴷⵉⵏ ⵉⵙⴰⵔⵡⴰⵜⵏ ⴷ ⵓⵙⴼⵓⵍⴽⵉ ⵏ ⵜⵡⵏⵏⴰⴹⵜ ⵜⴰⴷⵎⵙⴰⵏⵜ ⵜⴰⵎⵖⵔⵉⴱⵉⵢⵜ ⴳ ⵓⵙⴰⵜⵉ ⵏ ⵜⵖⵏⵏⴰⵏⵜ ⵜⴰⵎⵇⵇⵔⴰⵏⵜ ⵜⴰⵙⴳⴰⵡⴰⵏⵜ ⵏⵉⵖ ⵜⴰⴳⵔⴰⵖⵍⴰⵏⵜ.

ⵉⵙⴰⵡⵍ ⴰⵡⴷ ⵅⴼ ⵓⴱⵓⵖⵍⵓ ⵏ ⵢⵉⴳⵔ ⵏ ⵜⵔⵉⵙⵉⵏⵜⵉ ⵙⴳ ⵓⵙⴷⵔⴼⵉ ⵏ ⵓⴼⴰⵔⵙ ⵓⴼⵔⵉⴷ , ⴰⵛⴽⵓ ⵏⵜⵜⴰⵜ ⴰⴷ ⵉⴳⴰⵏ ⵜⴰⵖⴰⵔⴰⵙⵜ ⵍⵍⵉ ⵙ ⵔⴰⴷ ⵢⴰⵜⵜⵓⵢ ⵓⴼⴰⵔⵙ ⵏ ⵢⵉⴳⵔ ⴰⴷ, ⴷ ⵓⴱⵓⵖⵍⵓ ⵏ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⵜⵉⵍⵓⵊⵉⵙⵜⵉⴽⵢⵉⵏ ⴳ ⵜⴳⵍⴷⵉⵜ, ⴰⵡⴷ ⴰⵙⴼⵓⵍⴽⵉ ⵏ ⵓⴽⵛⵛⵓⵎ ⵙ ⵓⴼⵔⵔⵓ ⵙ ⵓⵙⵔⵓⵙ ⵏ ⵓⴱⴰⵏⴽ ⵏ ⵜⵙⴰⵔⵡⴰ , ⴰⵙⴼⵓⵍⴽⵉ ⴰⵡⴷ ⵏ ⵜⵖⴰⵡⵙⵉⵡⵉⵏ ⵏⵏⴰ ⵉⵣⴷⵉⵏ ⴷ ⵓⵙⵍⴳⵏ ⵏⵏⴰ ⵉⴹⴼⵕⵏ ⵜⴰⵏⵜⵜⴰⵎⵜ ⵏ ⵜⵙⴰⵔⵡⴰ ⵜⴰⵎⴰⵢⵏⵓⵜ ⵣⵓⵏⴷ ⴰⵙⵍⴳⵏ ⵏ ⵜⵡⵓⵔⵉ ⴷ ⵜⵏⴰⴱⴱⴰⵢⵜ ⴷ ⵜⵡⵓⵔⵉⵡⵉⵏ ⵜⵉⴳⴷⵓⴷⴰⵏⵉⵏ.