ⴱⴰⴱ ⵏ ⵡⴰⴷⴷⵓⵔ ⵉⵙⵏⵓⴱⴳ ⵍⵡⴰⵍⵉ ⵏ ⵓⴱⴰⵏⴽ ⵏ ⵍⵎⵖⵔⵉⴱ

ⵉⵏⵏⴰ ⵎⴰⵙⵙ ⵍⵊⵡⴰⵀⵔⵉ ⵎⴰⵙⴷ ⵜⴰⴷⵎⵙⴰ ⵜⴰⵏⴰⵎⵓⵔⵜ ⵜⴱⵓⵖⵍⴰ ⵙ 1.3 ⴳ ⵜⵎⵉⴹⵉ ⴳ ⵓⵙⴳⴳⴰⵙ ⵏ 2022 ⴷⴼⴼⵉⵔ ⵏ 8 ⴳ ⵜⵎⵉⴹⵉ ⴳ ⵓⵙⴳⴳⵯⴰⵙ ⵏ 2021 ⴷⴼⴼⵉⵔ ⵏ ⵡⴰⴷⴷⴰⴷ ⵏ ⵜⵛⴰⵃⵓⵕⵜ ⵏ ⵉⵎⵉⵔ ⴰⴽⵔⵣⴰⵏ .

ⵉⵏⵏⴰ ⵎⴰⵙⴷ ⴰⴷⴷⴰⴷ ⴰⴷ ⵉⵀⵔⵛⵏ ⴷ ⵜⵣⵎⵎⴰⵔ ⵏⵏⴰ ⵏⵏ ⵉⵜⵜⴳⴳⴰ ⵓⵡⴰⵏⴽ ⴰⴼⴰⴷ ⴰⴷ ⵜⵙⵙⵉⴷⵔⵓⵙ ⴰⴷⴷⴰⴷ ⴰⴷ ⵉⵀⵔⵛⵏ ⵅⴼ ⵜⴰⵡⵊⵉⵡⵉⵏ ⴷ ⵜⵙⵏⵓⵔⴰⵢⵉⵏ ⴰⵔ ⵉⵜⵜⴱⵓⵖⵍⵓ ⵡⴰⴷⴷⴰⴷ ⵏ ⵓⵙⴼⵍⵙ ⵍⵍⵉⵖ ⵢⴰⵖⵓⵍ ⵡⴰⴷⴷⴰⴷ ⵏ ⵓⵡⵔⵔⵉ ⵏ ⵜⴷⵔⵉⵎⵜ ⴰⵔ 5.2 ⴳ ⵜⵎⵉⴹⵉ ⴳ ⵓⵢⴰⴼⵓ ⴰⴳⵏⵙⴰⵏ ⴰⵎⴰⵜⴰⵢ .

ⴳ ⵓⵙⵡⵉⵔ ⵏ ⵉⵙⵏⴼⴰⵍ ⵉⴱⵕⵕⴰⵏⵏ, ⵉⵏⵏⴰ ⵍⵡⴰⵍⵉ ⵏ ⵓⴱⴰⵏⴽ ⵏ ⵍⵎⵖⵔⵉⴱ ⵎⴰⵙ ⴱⵓⵖⵍⴰⵏⵜ ⵜⴰⵣⵣⵓⵍⵉⵏ ⵜⵉⵎⴰⴷⵍⴰⵏⵉⵏ ⴳ ⵓⵙⴳⴳⵯⴰⵙ ⵏ 2021 ⵏ ⵍⴼⵓⵚⴼⴰⵜ, ⵎⴽⵍⵍⵉ ⴱⵓⵖⵍⴰⵏ ⵉⵙⴽⵛⵓⵎⵏ ⵏ ⵉⵎⵓⴷⴷⵓⵜⵏ ⵏ ⵉⵎⵖⵔⵉⴱⵉⵏ ⵉⵍⵍⴰⵏ ⴳ ⴱⵕⵕⴰ .

ⵉⵏⵏⴰ ⵎⴰⵙⴷ ⴰⴱⵓⵖⵍⵓ ⴰⴷ ⵉⵖⵉⴰⴷ ⵉⵙⵏⴰⵇⵇⵙ ⵜⴰⵙⵙⴰⵙⵜ ⵙ 3.5 ⴳ ⵜⵎⵉⴹⵉ ,ⵎⴽⵍⵍⵉ ⵍⵍⴰⵏ ⵉⵙⵃⴹⵓⵜⵏ ⵏ ⵓⴱⴰⵏⴽ ⵏ ⵍⵎⵖⵔⵉⴱ ⵏⵏⴰ ⵉⵍⴽⵎⵏ 5 ⵏ ⵢⵉⵔⵏ ⴷ ⵓⵣⴳⵏ ⵙⴳ ⵜⵖⴰⵡⵙⵉⵡⵉⵏ ⵏⵏⴰⴷ ⵉⴽⵛⵛⵎⵏ .

ⵎⴽⵏⵏⴰ ⴰⴽⴽ ⵉⴳⴰ ⵡⴰⴷⴷⴰⴷ ⵏ ⵜⵎⵓⵔⴰ ⵏ ⵓⵎⴰⴹⴰⵍ, ⵉⵏⵏⴰ ⵍⵡⴰⵍⵉ ⵏ ⵓⴱⴰⵏⴽ ⵏ ⵍⵎⵖⵔⵉⴱ ⵎⴰⵙⴷ ⵍⵎⵖⵔⵉⴱ ⴰⵡⴷ ⵏⵜⵜⴰⵏ ⴷⴰⵔⵙ ⴰⵎⵓⵔ ⵏⵏⵙ ⴳ ⵜⴰⵙⵙⴰⵙⵜ ⵜⴰⵎⴰⴷⵍⴰⵏⵜ ⵏ ⵓⵙⴳⴳⵯⴰⵙ ⴰⴷ ⴷⴼⴼⵉⵔ ⵏ ⵜⴰⵙⵏⴰ ⵏⵏⴰ ⵓⵔ ⵉⵣⵔⵉⵏ 1.5ⴳ ⵜⵎⵉⴹⵉ ⴳ ⵙⵉⵎⵔⴰⵡ ⵏ ⵓⵙⴳⴳⵯⴰⵙ ⵉⵣⵔⵉⵏ ⵉⵍⴽⵎ ⵜⵜⴰⴹⴰⵅⵅⵓⵎ 6.6 ⴳ ⵜⵎⵉⴹⵉ ⴳ ⵓⵙⴳⴳⵯⴰⵙ ⵏ 2022 ⵉⴳ ⴰⵙⵡⵉⵔ ⵢⴰⵜⵜⵓⵢⵏ ⵙⴳ 1992 .

ⵉⵙⵎⴰⵍ ⵍⵡⴰⵍⵉ ⵏ ⵓⴱⴰⵏⴽ ⵏ ⵍⵎⵖⵔⴱ ⵎⴰⵙⴷ ⵍⵎⵖⵔⵉⴱ ⵉⵏⴱⴱⵕ ⵜⴰⵙⵔⵜⵉⵜ ⵏ ⵓⵙⴼⵍⵙ ⵏⵏⵙ ⵅⴼ ⴽⵉⴳⴰⵏ ⵏ ⵉⵙⵡⵉⵔⵏ ⴷ ⵓⵙⵎⵙⴰⵙⴰ ⵏ ⵡⴰⵜⵉⴳⵏ ⵙ ⵜⴷⵙⵍⴰⵏⵜ ⵏⵏⴰ ⵉⴳⵓⵍⴰⵏ 2.5 ⴳ ⵜⵎⵉⴹ ⴳ ⵜⴳⵉⵔⴰ ⵏ ⵓⵙⴳⴳⵯⴰⵙ .

ⴳ ⵓⵎⵏⵉⴷ ⵢⴰⴹⵏ ⵢⵉⵡⵣ ⵓⴱⴰⵏⴽ ⵏ ⵍⵎⵖⵔⵉⴱ ⴰⴼⴰⴷ ⴰⴷ ⵉⴼⴽ ⴰⵏⵏⴰⵍ ⵉ ⵜⴷⵎⵙⴰ ⴷⴼⴼⵉⵔ ⵍⵍⵉⵖ ⵉⵙⵏⵉⵍ ⵉⴼⴽ ⴰⵏⵏⴰⵍ ⵉ ⵜⵙⵏⵓⵔⴰⵢⵉⵏ ⵜⵉⵎⵥⵢⴰⵏⵉⵏ ⴷ ⵜⵏⴰⵎⵎⴰⵙⵉⵏ .

ⴳ ⵉⴳⵔ ⵢⴰⴹⵏ, ⵉⵏⵏⴰ ⵎⴰⵙⵙ ⵍⵊⴰⵡⵀⴰⵔⵉ ⵎⴰⵙⴷ ⵉⵙⵏⴼⴰⵍ ⵉⴷⵔⴰⵏ ⵏⵏⴰ ⵉⵙⵙⵏ ⵡⴰⵢⴷⴰ ⴰⵎⴰⴷⵍⴰⵏ ⴷ ⵓⵙⴰⵜⵜⵓⵢ ⴷ ⵓⴱⵟⵟⵓ ⵏ ⵉⴳⵔ ⴰⵊⵢⵓⵙⵜⵕⴰⵜⵉⵊⵉ ⴷ ⵜⴰⵜⵜⵓⵢⵜ ⵏ ⵜⴷⴰⵎⵙⴰ, ⴷ ⵡⴰⴷⴷⴰⴷ ⵏ ⵓⵏⵣⵡⵉ ⴷ ⵓⵙⴷⵔⵓⵙ ⵏ ⵡⴰⵎⴰⵏ ⴰⵡⴷ ⵏⵜⵜⴰⵏ .

ⵎⵏⵉⴷ ⵏ ⵉⴱⵓⵖⵍⵓⵜⵏ ⴰⴷ ⵉⵏⵏⴰ ⵓⴱⴰⵏⴽ ⵏ ⵍⵎⵖⵔⵉⴱ ⵎⴰⵙⴷ ⵉⵇⵇⴰⵏ ⴰⴷ ⵜⵜⵔⴰⵔ ⵜⵖⴹⴼⵜ ⵉ ⵜⵙⵔⵜⵉⵜⵉⵏ ⵜⵉⵏⴰⵎⵓⵏⵉⵏ ⴷ ⵓⵙⵙⴷⵓⵙ ⵏ ⵜⴷⵎⵙⴰ ⵜⴰⵏⴰⵎⵓⵔⵜ.

ⵉⵏⵏⴰ ⵎⴰⵙⴷ ⵉⵇⵇⴰⵏ ⴰⴷ ⵉⵜⵜⵓⵙⴱⵓⵖⵍⵓ ⵡⴰⴷⴷⴰⴷ ⵏ ⵉⵎⵙⵡⵓⵔⵉⵏ ⵏⵏⴰ ⵉⴳⴰⵏ ⵢⴰⵏ ⵓⵙⵏⴼⴰⵕ ⵉⴷⵓⵙⵏ ⴳ ⵓⵙⴰⵜⵉ ⵏ ⵓⵙⵏⴼⴰⵔ ⵏ ⵡⴰⵔⴰⵢ ⴰⵏⴰⵎⵓⵏ ⵏⵏⴰ ⵉⵙⵙⵏⵜⴰ ⴱⴰⴱ ⵏ ⵡⴰⴷⴷⵓⵔ ⴳ ⵓⵙⴳⴳⵯⴰⵙ ⵏ 2021ⵎⴽⵍⵍⵉ ⵙⴷ ⵉⵇⵇⴰⵏ ⴰⴷ ⵉⵜⵜⵓⵙⴱⵓⵖⵍⵓ ⵉⴳⵔ ⵏ ⵓⵙⵙⵍⵎⴷ ⵏⵏⴰ ⵅⴼ ⵜⵜⵓⵙⴽⴰⵔⵏⵜ ⴽⵉⴳⴰⵏ ⵏ ⵜⵙⵏⵜⴰⵢⵉⵏ ⵙⴳ ⴽⵉⴳⴰⵏ ⵏ ⵉⵙⴳⴳⵯⴰⵙⵏ ⴰⴷ ⵉⵣⵔⵉⵏ

ⴳ ⵉⴳⵔ ⵏ ⵜⴷⵎⵙⴰ , ⵉⵏⵏⴰ ⵍⵡⴰⵍⵉ ⵏ ⵓⴱⴰⵏⴽ ⵏ ⵍⵎⵖⵔⵉⴱ , ⵎⴰⵙ ⵔⴰⴷ ⵉⵜⵜⵓⵙⵎⴰⵢⵏⵓ ⵉⴳⵔ ⴰⵏⴰⵎⵓⵏ ⵏⵏⴰ ⵅⴼ ⵉⴱⵉⴷⴷ ⴱⴰⴱ ⵏ ⵡⴰⴷⴷⵓⵔ ⴳ ⵓⵙⴳⴳⴰⵙ ⵏ 2020ⴷ ⵓⵙⴳⴳⴷ ⵏ ⵜⵎⵔⵙⴰⵍ ⵏ ⵓⴱⴰⵏⴽ ⴷ ⵜⵎⵔⵙⴰⵍ ⴰⴽⴽⵯ ⵜⵉⵏⴰⵎⵓⵏⵉⵏⴷ ⵉⴳⵔⵏ ⵓⵙⵙⵔⵏⵓ ⵉⵥⵍⵉⵏ ⴷⴼⴼⵉⵔ ⵏ ⵉⵏⴰⵡ ⵏ ⴱⴰⴱ ⵏ ⵡⴰⴷⴷⵓⵔ .

ⴳ ⵓⵙⵏⵜⵍ ⵢⴰⴹⵏⵉⵏ, ⵉⵏⵏⴰ ⵍⵡⴰⵍⵉ ⵏ ⵓⴱⴰⵏⴽ ⵏ ⵍⵎⵖⵔⵉⴱ ⵎⴰⵙⴷ ⵉⵇⵇⴰⵏ ⴰⴷ ⵉⵜⵜⵓⵙⴽⴰⵔ ⵓⵏⴱⴱⵕⵏ ⵉⵙⵓⴳⴰⵎ ⵉⵏⴰⵎⵓⵏⵏ ⵏⵏⴰ ⵉⴳⴰⵏ ⵢⴰⵏ ⵉⴳⵔ ⴰⵙⵜⵕⴰⵜⵉⵊⵉ ⵏⵏⴰ ⵔⴰⴷⴷ ⵉⵙⵙⴼⴰⵖ ⴽⵉⴳⴰⵏ ⵏ ⵉⵙⵏⴼⴰⵕⵏ ⴰⴼⴰⴷ ⴰⴷ ⵜⴷⵓⵙ ⵜⵔⴰⵜⵙⴰ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ ⴷ ⵉⴳⵔ ⵏ ⵓⵙⴳⴳⴷ ⵏ ⵓⵏⵎⴰⵍⵍⵓ ⵏ ⵍⵎⴰⵇⴰⵚⴰ ⵏⵏⴰ ⵉⵜⵜⵓⵙⵏⵜⴰⵏ ⴳ ⵓⵙⴳⴳⴰⵙ ⵏ 2013 ⴷ ⵓⵙⴳⴳⴷ ⵏ ⵓⵏⵎⴰⵍⵍⵓ ⵏ ⵓⴼⵔⵔⵓ ⴷⴼⴼⵉⵔ ⵏ ⵓⵙⵎⴰⴷ ⵏ ⵜⵡⵡⵓⵔⵉ .

ⵉⵏⵏⴰ ⵎⴰⵙⴷ ⵜⴰⵙⵙⴰⵙⵉⵏ ⵉⵜⵜⵓⴹⴼⴰⵕⵏ ⴳ ⵓⵙⵡⵉⵔ ⴰⵎⴰⴹⵍⴰⵏ ⵙⴳ ⵓⵙⴳⴳⵯⴰⵙ ⵏ 2020 ⴰⴷ ⵉⵙⵎⴰⵍⵏ ⵉⴳⵔ ⵏ ⵜⴷⵎⵙⴰ ⵙⴳ ⴷⴰⵔ ⵉⵜⵙⵏ ⵏ ⵉⵡⴷⴰⵏ ⵏ ⵡⴰⵎⵓⵏ ⵔⴰⴷ ⵉⵜⵜⵓⵣⵔⵉ ⵙⴳ ⴽⵉⴳⴰⵏ ⵏⵜⵙⵏⵜⴰⵢⵉⵏ ⵏ ⵓⵙⴳⴳⴷ ⵏⵏⴰ ⵉⵜⵜⵓⵙⴽⴰⵔⵏ ⴳ ⴽⵉⴳⴰⵏ ⵏ ⵉⴳⵔⴰⵏ ⵉⴷⵎⵙⴰⵏⵏ .

ⵙ ⵜⵎⵍⴷⴰ ⴰⴷ, ⵉⴼⴽⴰ ⵎⴰⵙⵙ ⵍⵊⴰⵡⵀⴰⵔⵉ ⵉ ⴱⴰⴱ ⵏ ⵡⴰⴷⴷⵓⵔ ⴰⴷ ⵜ ⵉⵏⵚⵕ ⴱⴱⴰ ⵏ ⵉⴳⵏⵡⴰⵏ ⴰⵏⵇⵇⵉⵙ ⴰⵙⴳⴳⵯⴰⵙⴰⵏ ⵏ ⵓⴱⴰⵏⴽ ⴰⵏⴰⵎⵎⴰⵙ ⵅⴼ ⵡⴰⴷⴷⴰⴷ ⴰⴷⵎⵙⴰⵏ ⴷ ⵓⵙⴼⵍⵙ ⵏ ⵉⵎⵉⵔ ⵏ ⵓⵙⴳⴳⴰⵙ ⵏ 2022 .