ⴰⵣⴻⵎⵎⵉⵎ ⵏ ⵙⵎⵎⵓⵙⵜ ⵏ ⵜⵎⵙⵙⴽⵜⵉⵜⵉⵏ ⵏ ⵓⵎⵙⴰⵙⴰ ⵅⴼ ⵓⵙⵍⴳⵏ ⵏ ⵓⵙⴰⴽⴰ ⵏ ⵍⴳⴰⵣ ⵏⵉⵊⵉⵔⵢⴰ-ⵍⵎⵖⵔⵉⴱ
ⵕⵕⴱⴰⵟ – ⴳ ⵡⴰⵙⵙ ⵏ ⴰⵢⵏⴰⵙ ⴳ ⵜⵎⴰⵣⵉⵔⵜ ⵏ ⵕⵔⴱⴰⵜ ⴰⴷ ⵜⵜⵓⵙⴳⵎⴹⵏⵜ ⵙⵎⵎⵓⵙⵜ ⵏ ⵜⵎⵙⵙⴽⵜⵉⵜⵉⵏ ⵏ ⵓⵎⵙⴰⵙⴰ, ⴳⵔ ⴽⵕⴰⴹ ⵉⵜⴳⴰⵔⵏ , ⵅⴼ ⵓⵙⵏⴼⴰⵕ ⵏ ⵓⵙⴰⴽⴰ ⵏ ⵍⴳⴰⵣ ⴳⵔ ⵏⵉⵊⵉⵔⵢⴰ ⴷ ⵍⵎⵖⵔⵉⴱ, ⴷ ⴳⵔ ⵖⴰⵎⴱⵢⴰ ⴷ ⵖⵉⵏⵢⴰ ⴱⵉⵙⴰⵡ ⴷ ⵖⵉⵏⵢⴰ ⴷ ⵙⵙⵉⵕⴰⵍⵢⵓⵏ ⴷ ⵖⴰⵏⴰ ⴳ ⵜⵙⴳⴰ ⵢⴰⴹⵏ.
ⵉⴳⴰ ⵓⵙⴳⵎⴹ ⵅⴼ ⵜⵎⵙⵙⴽⵜⵉⵜ ⴰⴷ ⵢⴰⵜ ⵜⴰⵙⵓⵍⵜ ⵉ ⵜⵎⵢⴰⵇⵇⴰⵏⵉⵏ ⵏⵏⴰ ⴰⴷⵍⵍⵉ ⵉⵍⵍⴰⵏ ⴳⵔ ⵉⵡⴰⵏⴽⵏ ⵏ ⵜⴳⵔⵓⵎⵎⴰ ⵏ ⵜⴷⵎⵙⴰ ⵏ ⵉⴼⵔⵉⵇⵢⴰ ⴳ 15 ⵛⵓⵜⴰⵏⴱⵉⵔ 2022, ⵏⵏⴰ ⵉⵜⵜⵓⵙⴳⵎⴰⴹⵏ ⴷ ⵎⵓⵕⵉⵟⴰⵏⵢⴰ ⴷ ⵙⵙⵉⵏⵉⴳⴰⵍ ⴳ 15 ⴽⵜⵓⴱⵕ 2022, ⵙ ⵓⵙⵎⵙⴰⵙⴰ ⴳⵔ ⵜⵎⵉⵣⴰⵔ ⴳ ⵓⵙⴰⵜⵉ ⵏ ⵓⵙⴰⴽⴰ ⵏ ⵍⴳⴰⵣ ⴳⵔ ⵍⵎⵖⵔⵉⴱ ⴷ ⵏⵉⵊⵉⵔⵢⴰ , ⴰⵙⵏⴼⴰⵕ ⴰⴷ ⵔⴰⴷ ⵉⴼⴽ ⵍⴳⴰⵣ ⵉ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⵏ ⵓⵖⵍⵍⵓⵢ ⵉⴳ ⴰⵡⴷ ⵢⴰⵏ ⵓⵙⴰⴽⴰ ⵏⵏⴰ ⵔⴰⴷ ⵉⵙⵙⵍⴽⴰⵎ ⵍⴳⴰⵣ ⵉ ⵓⵕⵓⴱⴱⴰ.
ⵎⴽⵍⵍⵍⵉ ⵔⴰⴷ ⵢⴰⵡⵙ ⵓⵙⵏⴼⴰⵕ ⴰⴷ ⴰⵙⵜⵕⴰⵜⵉⵊⵉ ⴳ ⵓⵙⴷⵓⵙ ⴷ ⵓⵙⴱⵓⵖⵍⵓ ⵏ ⵓⵙⵡⵉⵔ ⵏ ⵜⵓⴷⵔⵜ ⵏ ⵉⵎⵣⴷⴰⵖ, ⴷ ⵓⵙⴷⵓⵙ ⵏ ⵜⴷⵎⵙⴰ ⵏ ⵜⵙⴳⴰ ⴰⴷ ⵜⴰⴼⵔⵉⵇⵉⵜ ⴷ ⵓⵙⴷⵔⵓⵙ ⵏ ⵓⵙⵏⵣⵔⵓⴼ ⵙ ⵜⵣⵎⵎⴰⵔ ⵏ ⵜⵉⴽⴽⵉ ⵏ ⵍⴳⴰⵣ ⵉ ⴽⵉⴳⴰⵏ ⵏ ⵉⵡⴰⵏⴽⵏ ⵉⴼⵔⵉⵇⵉⵏ.
ⴰⵙⴽⵯⵜⵉ ⵎⴰⵙ ⵔⴰⴷ ⵉⵜⵜⵓⵙⴽⴰⵔ ⵢⴰⵏ ⵓⵙⴰⴽⴰ ⵏ ⵍⴳⴰⵣ ⴳ ⵓⵜⵡⴰⵏ ⵏ ⵉⴼⵔⵉⵇⵢⴰ ⵙⴳ ⵏⵏⵉⵊⵉⵔ ⴰⴷ ⵉⵣⵔⵉ ⴳ ⵍⴱⵉⵏⵉⵏ, ⴷ ⵟⵟⵓⴳⵓ,ⵖⴰⵏⴰ, ⵍⴽⵓⵜ ⴷⵉⴼⵡⴰⵕ, ⵙⵙⵉⵕⴰⵍⵢⵓⵏ, ⵖⵉⵏⵢⴰ ⴱⵉⵙⴰⵡ,ⵖⴰⵎⴱⵢⴰ ⴷ ⵙⵙⵉⵏⵉⴳⴰⵍ, ⴷ ⵎⵓⵕⵉⵟⴰⵏⵢⴰ ⵏⵏⴰ ⵔⴰⴷ ⵉⵣⵔⵉ ⴳ ⵍⵎⵖⵔⵉⴱ, ⵔⴰⴷ ⵉⵜⵜⵢⵓⵣⴷⴰⵢ ⴷ ⵓⵙⴰⴽⴰ ⵏ ⵍⴳⴰⵣ ⵏⵏⴰ ⵉⵣⵔⵉⵏ ⵙ ⵓⵕⵓⴱⴱⴰ, ⵔⴰⴷ ⵉⴼⴽ ⴰⵡⴷ ⵉ ⵜⵎⵉⵣⴰⵔ ⵏⵏⴰ ⵍⵍⴰⵏⵉⵏ ⴳ ⵓⴳⵏⵙ ⵣⵓⵏⴷ ⵏⵏⵉⵊⵉⵔ ⴷ ⴱⵓⵕⴽⵉⵏⴰⴼⴰⵚⵓ ⴷ ⵎⴰⵍⵉ.
Suivez nos dernières actualités sur Google News
