ⴰⵍⵖⵓ ⴰⵖⵎⵙⴰⵏ – ⵜⴰⴳⵔⴰⵡⵜ ⵏ ⴰⵢⵜ ⵎⵍⵍⵓⵍ ⵔⴰⴷ ⵜⵙⵏⵎⵉⵍⵉ ⵢⴰⵏ ⵓⴳⵔⴰⵡ ⵏ ⵓⵎⵙⴳⴷⴰⵍ ⵅⴼ ⵓⵖⴰⵡⴰⵙ ⵏ ⵓⵏⵏⵓⵕⵥⵎ ⵏ ⵜⴳⵔⴰⵡⵜ

ⵙ ⵓⵙⵙⵓⵜⵉ ⵏ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⴳⵔⴰⵡⵉⵏ ⵜⵉⵎⵓⵔⴰⵏⵉⵏ ⵉⴹⴼⵕⵏ ⵉ ⵜⵎⴰⵡⵙⴰⵙⵜ ⵏ ⵜⴳⵯⵏⵙⴰⵏⵜ., ⴷ ⵍⵍⵉⵖ ⵜⴳⴰ ⵜⴰⴳⵎⴰⵎⵜ ⵏ ⵓⵥⵟⵟⴰ ⴰⵎⵖⵔⵉⴱⵉ ⵏ ⵜⴳⵔⴰⵡⵉⵏ ⵜⵉⵎⵓⵔⴰⵏⵉⵏ ⵏⵏⵓⵕⵥⵎⵏⵉⵏ, ⵔⴰⴷ ⵜⵙⵏⵎⵉⵍⵉ ⵜⴳⵔⴰⵡⵜ ⵏ ⴰⵢⵜ ⵎⵍⵍⵓⵍ ⴰⵙⵙ ⵏ ⵓⵙⵉⵏⴰⵙ 11 ⵢⵓⵍⵢⵓⵣ 2023 ⵙⴳ ⵜⵉⵣⵉ ⵜⵉⵙⵙ ⵜⵥⴰⵜ ⴷ ⵓⵣⴳⵏ ⵏ ⵜⴰⵢⵍⴳⵉ (09:30) ⵖ ⵜⴳⵎⵎⵉ ⵏ ⵜⵓⴷⴷⵓⵔⵜ ⵎⴱⴰⵕⴽ ⵓⵄⵓⵎⴰⵕ ⵖ ⵜⵖⵔⵎⵜ ⵏ ⴰⵢⵜ ⵎⵍⵍⵓⵍ, ⵢⴰⵏ ⵓⴳⵔⴰⵡ ⵏ ⵓⵎⵙⴳⴷⴰⵍ ⵅⴼ ⵓⵙⵖⵉⵡⵙ ⴰⵎⴳⵔⵓ ⵏ ⵓⵖⴰⵡⴰⵙ ⵏ ⵓⵏⵏⵓⵕⵥⵎ ⵏ ⵜⴳⵔⴰⵡⵜ ⴳ ⵙⵉⵏ ⵉⵙⴳⴳⵯⴰⵙⵏ ⵏ 2024/ 2025, ⴰⴳⵔⴰⵡ ⴰⴷ ⵔⴰⴷ ⴳⵉⵙ ⴷⵔⵓⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⴰⴳⵔⴰⵡⴰⵏ ⵏ ⴰⵢⵜ ⵎⵍⵍⵓⵍ, ⵉⴳⵎⴰⵎⵏ ⵏ ⵓⴳⵔⴰⵡ ⵏ ⵓⵎⵙⴰⵙⵡⴰ ⴷ ⵓⵏⴳⵉⴷⴷⵉ ⵏ ⵜⵡⵀⴰⵍⵉⵏ ⴷ ⵜⵎⵢⴰⴷⴰⵙⵜ ⵏ ⵡⴰⵏⴰⵡ, ⵉⴳⵎⴰⵎⵏ ⵏ ⵓⵙⴰⵢⵔⴰⵔ ⴰⵢⵜ ⵎⵍⵍⵓⵍ ⵏ ⵓⵏⵎⵙⵙⴼⴰⵡ ⴷ ⵉⵎⵙⵙⵓⵜⵉⵢⵏ ⵏ ⵜⵎⵀⵍⴰ ⵜⴰⴳⵔⴰⵡⴰⵏⵜ.

ⵢⵓⵛⴽⴰ ⴷ ⵓⴳⵔⴰⵡ ⴰⴷ ⴹⴰⵕⵜ ⵏ ⵓⵀⵢⵢⵓ ⵏ ⵜⴼⵔⴽⴰ ⵜⴰⵎⵣⵡⴰⵔⵓⵜ ⵍⵍⵉ ⵉⵥⵍⵉⵏ ⵙ ⵓⵃⵉⵢⵢⵍ ⴰⵎⴳⵔ ⵉ ⵓⵚⵏⴼⴰⵕ ⵏ ⵓⵖⴰⵡⴰⵙ ⵏ ⵓⵏⵏⵓⵕⵥⵎ, ⵙⴳ ⵓⴳⵔⴰⵡ ⵏ ⵓⵎⵙⴳⴷⴰⵍ ⴰⵎⵣⵡⴰⵔⵓ ⵍⵍⵉ ⵉⵜⵜⵓⵢⵙⴽⴰⵔⵏ ⴳ 28 ⴱⵕⴰⵢⵕ 2023, ⵣⵔⵉⵏ ⵜⵓⴳⵜⵜ ⵏ ⵉⴳⵔⴰⵡⵏ ⵢⴰⴹⵏ ⵏ ⵜⴰⵢⵎⵓⵏⵜ ⵏ ⵓⴹⴼⵓⵕ ⵏ ⵓⵚⵏⴼⴰⵕ ⴰⴷ ⵙ ⵓⵎⵙⴳⴷⴰⵍⵏ ⴷ ⵓⴳⵉⵡⵔⵏ ⴰⴽⴷ ⵉⴳⵔ1ⵡⵏ ⵉⵏⵍⵙⵙⴼⴰⵡⵏ ⴷ ⵡⴰⵎⵓⵏ ⵓⵖⵔⵉⵎ ⴷ ⵓⴳⴷⵓⴷ ⵏ ⵉⵏⵎⵓⵔⵉⵢⵏ ⴷ ⵜⵏⵎⵓⵔⵉⵢⵉⵏ ⵙ ⵜⵖⴰⵔⴰⵙⵜ ⵜⴰⵍⵓⵟⵟⵓⵏⵜ ⵙ ⵡⴰⵏⵙⴰ ⵏ ⵓⵥⵟⵟⴰ ⴰⵎⵖⵔⵉⴱⵉ ⵏ ⵜⴳⵔⴰⵡⵉⵏ ⵜⵉⵎⵓⵔⴰⵏⵉⵏ ⵏⵏⵓⵕⵥⵎⵏⵉⵏ ⵖ ⵓⵙⵉⵜ ⵏ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⴳⵔⴰⵡⵉⵏ ⵜⵉⵎⵓⵔⴰⵏⵉⵏ, ⵜⴼⴼⵓⵖ ⵜⴼⵔⴽⴰ ⴰⴷ ⵙ ⵜⵓⴳⵜⵜ ⵏ ⵉⵙⵡⵉⵏⴳⵉⵎⵏ ⴷ ⵉⵙⵉⵎⴰⵔ ⵍⵍⵉ ⵢⵓⵔⵉⵏ ⴳⵏ ⵉⵚⵏⴼⴰⵕⵏ ⴱⵉⴷⴷⵏⵉⵏ ⵅⴼ  ⴽⴽⵓⵥ ⵉⵙⵓⵜⴰⵔ ⵏ ⵓⵏⵏⵓⵕⵥⵎ : ⵜⴰⵎⴰⴼⴰⵡⵜ, ⴰⴹⴼⵓⵕ, ⴰⵍⴽⴰⵎ ⵏ ⵡⵓⵎⵍⵉ, ⵜⴷⵔⴰⵡⵜ ⵜⴰⵏⵎⵓⵔⵉⵜ ⴷ ⵜⵙⵎⵓⵟⵟⵓⵏⵜ.

ⵔⴰⴷ ⵉⴳ ⵓⴳⵔⴰⵡ ⴰⴷ ⵢⴰⵜ ⵜⵎⵍⴷⴰ ⵍⵍⵉⵖ ⵔⴰⴷ ⵏⵙⵙⵉⴷⴳ ⵏⵙⵙⵕⵡⵓ ⴳⵉⵙ ⵉⵚⵏⴼⴰⵕⵏ ⵏ ⵓⵏⵏⵓⵕⵥⵎ ⵉⴳ ⴰⵡⴷ ⴰⵙⵙⵏⵜⵉ ⵏ ⵜⴼⵔⴽⴰ ⵜⵉⵙⵙ ⵙⵏⴰⵜ ⵍⵍⵉ ⵔⴰⴷ ⵢⴰⵍ ⵓⵎⵙⴳⴷⴰⵍ ⵅⴼ ⵉⵚⵏⴼⴰⵕⵏ ⴷ ⵓⵖⴰⵡⴰⵙ ⵏ ⵓⵏⵏⵓⵕⵥⵎ ⴷⴰⵜ ⵏ ⵓⵙⵎⵏⵉⴷ ⵏ ⵓⵚⵏⴼⴰⵕ ⵏ ⵓⵖⴰⵡⴰⵙ ⵏ ⵓⵏⵏⵓⵕⵥⵎ ⵉ ⵉⴳⵔⴰⵡⵏ ⵏ ⵓⵙⵇⵇⵉⵎ ⴰⴳⵔⴰⵡⴰⵏ ⵃⵎⴰⴰⴷ ⵣⵣⴳⵔⵏ ⴰⵚⵏⴼⴰⵕ ⴰⴷ ⴳ ⵜⵙⵓⵜⵍⵜ ⵏ ⵡⴰⵢⵢⵓⵔ ⵏ ⴽⵟⵓⴱⵕ 2023.

ⴷ ⴷ ⵏⵙⵙⴽⵯⵜⵉ ⵎⴰ ⵙ ⵉⴽⵛⵎ ⵓⵙⵎⵓⵜⵜⴳ ⵏ ⵓⵖⴰⵡⴰⵙ ⵏ ⵓⵏⵏⵓⵕⵥⵎ ⵏ ⵜⴳⵔⴰⵡⵜ ⵏ ⴰⵢⵜ ⵎⵍⵍⵓⵍ ⵏ ⵉⵙⴳⴳⵯⴰⵙⵏ ⵏ 2024/2025 ⵖ ⵓⵙⴰⵜⵉ ⵏ ⵓⵣⵣⴳⵔ ⵏ ⵓⵖⴰⵡⴰⵙ ⵏ ⵡⴰⵏ ⴰⵍ ⵏ ⵜⴳⵔⴰⵡⵉⵏ ⵜⵉⵎⵓⵔⴰⵏⵉⵏ ⵏⵏⵓⵕⵥⵎⵏⵉⵏ ⵍⵍⵉ ⵜⵙⴽⵔ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⴳⵔⴰⵡⵉⵏ ⵜⵉⵎⵓⵔⴰⵏⵉⵏ ⵖ ⵉⵙⴰⵜⵓ ⵏ ⵓⴹⴼⵓⵕ ⵍⵍⵉ ⵜⵙⴽⴰⵔ ⵉ ⵜⴳⵔⴰⵡⵉⵏ ⵜⵉⵎⵓⵔⴰⵏⵉⵏ, ⵙ ⵜⴷⵔⴰⵡⵜ ⴷ ⵜⵎⵙⵎⵓⵏⵜ ⵜⵉⵎⵏⴰⴹⵉⵏ ⵏ ⵍⵎⵖⵔⵉⴱ ⴷ ⵜⵎⵙⵎⵓⵏⵜ ⴰⵎⴱⴰⴽⵜ ⵉ ⵜⴳⵎⵉ.